Bowling in My Mind

I don't know what to write here... But, sia kasi masuk apa-apa saja which I think fit and Ok lah kie... Maybe it's about my research on Unduk Ngadau - The topic which I tersilap picked sebab tidak mahu drag kerja... or anything yang sia rasa perlu lah kie... Maybe my love life or... etc...

Fotopages

Kerja boring untuk hari minggu, menunggu bulan 5 habis dengan tiada penyesalan. So, jom korang pigi sini http://sumandakdotcom.fotopages.com/ . Ada gambar unduk ngadau bah. Sia tau korang suka tinguk gambar unduk ngadau... :p

KOTOBIAN TADAU TAGAYO DO KAAMATAN

ikan koruk ikan turongou,

sudah kogoruk masih korongou,

sumulok sinsilog koruba sunsulit,

kada kosonsog moginum ginsom korilit.

"KOTOBIAN TADAU TAGAYO DO KAAMATAN"

Renovation

My house is under renovation sekarang ni, just because my uncle and his family are coming back from USA after more than 5 years inda balik-balik sebab mau dapat status PR and Green Light dari tu USA Government. Mimang susah mo live in USA termasuk keluar dari USA kalau masih lagi ada urusan di sana. Even though mimang sana FREE TO VOICE, FREE TO HAVE, FREE TO MAKE... Lebih-lebih lagi incident (or may I call it as ACCIDENT?) Osama lah, Bush lah, September 11 lah... etc. Mimang mess betul bah.... Yang sia kasehan, itu grandparents sia - They have waited for more than 5 years tunggu their only successful son balik dari USA. Yes, sikarang diorang punya umur (I mean tu grandparents sia) sudah menjangkau 70 years old. Next month saja siorang semua mo buat Family Reunion cum Kaamatan for Sabilah M Benggon's family. Surprise dari sia pula, walaupun inda seberapa... Sia mo bagi KEK BAAASAAAR sama diorang. Itu saja sia bulih bagi sekarang guna duit yang manang time ikut unduk ngadau... Kwak Kwak Kwak...

Sia bangun saja pagi ni, sia try mo ingat balik apa sia mimpi tadi... Sia termimpi bilik sia. Eheks... Sebab sekarang bilik sia kasi warna purple (warna yang dihalang oleh parents sia tapi last-last diorang admit sia pandai cari warna). At first, diorang mo suruh sia pilih warna pink, duh... Bosan sudah sia warna pink selepas ditinggalkan X-Breakfast sia duuuulu... Opppsss... Tersasul dan terpisung sikit, balik pasal mimpi sia. Sia termimpi yang sia pigi lukis bunga di dinding bilik sia. Hehehehe... And sia mo buat sama tu dinding bilik sia nanti. Sia apply semua benda yang sia study time di SM Shan Tao duuulu... Sikit-sikit pigi buat kerja lukis dinding, 2 kali sia lukis dinding time di High School dulu...

But now... I still have to find costume TOBILUNG KOTA MARUDU dulu for my kazen... :( Desperate ni sekarang mencari... UUUWAAAAAAHHHH... Help me Help Me...

This is Kaamatan

Talking about kaamatan - Harvest Festival. Mimang syok. But this year punya kaamatan is a bit dull - Inda banyak publisiti, news, pics, etc. Paling banyak cerita pasal accident during kaamatan. Na'uk punya pasal, tidur di tengah jalan raya punya pasal, mati bergaduh punya pasal, etc.

Kaamatan yang sekarang is no longer kaamatan yang meriah macam dulu-dulu, Kaamatan dari time Berjaya lagi... I've heard lots of stories from my grandpa pasal kaamatan diorang. Simple tapi meriah. Even di Kg. Pulutan, Menggatal saja - For God's sake - sudah 5 tahun tiada kaamatan, untuk apa kasi repair itu balairaya tapi no kaamatan? What kind of tutok ni AJK buduh ada? Sekadar pegang kunci dewan and ban urang kampung sendiri guna dewan? Hello? Itu dewan moyang ko punya kah?

Sia pun tidak berapa suka with penganjuran kaamatan kawasan N.12 Inanam. Hello, be fair a bit. Yang sia inda puas hati dari dulu pasa committees misti mau dari Inanam sajakah? Bukan sia mo anti-Inanam, tapi the way diorang conduct. Tau minta sponsor saja but tiada pun apa-apa untuk urang Telipok and Menggatal. Tau minta tagih undi dari siorang saja tapi jalan raya still berhabuk. Why bias? Nasib juga siorang pintar, we have observed segala-galanya. So, bila time mengundi lagi nanti, we won't choose you anymore. Banyak suara, tapi peluh sikit.

Mungkin I'm still young hijau belum matang tapi sia sudah observe ni politik sabah since sia masih lagi 12 years old. Semua buku politik sudah sia baca. Darilah buku Mandat Ketiga sampailah karya dari si Radin Malleh. Yes! Politics mimang sudah terpahat di kepala utak sia. Permainan kutur dan bersih sia tau sudah. Secara kesimpulannya di sini, demand dari rakyat tidak pernah cukup. Seorang ahli politik must be brave, brilliant, rich and humble - Kenapa rich? Elaun jadi YB bukannya cukup untuk tampung permintaan, so untuk menjadi YB, one kena rich atau ada pendapatan tetap supaya dapat tolong rakyat dan bukan sekadar beli Ninja King tunjuk sama rakyat. Sia prefer YB dari Penampang...

Kaamatan oh Kaamatan.... Where have all the Kaamatans gone long time passing?